Byltyr Ulytaý oblysynda negizgi kapıtalǵa salynǵan ınvestıtsııa edáýir azaıǵan

ASTANA. QazAqparat - 2022 jyly negizgi kapıtalǵa salynǵan ınvestıtsııa 9,2%-ǵa ósti, dep habarlaıdy QazAqparat ulttyq statbıýroǵa silteme jasap.

Jalpy respýblıkalyq basty salymdardyń jartysyna jýyǵyn iri jáne orta kásiporyndar jasaǵan.

Investıtsııany qarjylandyrýdyń basym kózderi sharýashylyq júrgizýshi sýbektilerdiń menshikti qarajaty bolyp qala beredi, onyń kólemi - 11 161 mlrd teńge nemese jalpy kólemniń 73,2%.

2022 jyly negizgi kapıtalǵa salynǵan ınvestıtsııanyń edáýir úlesi ónerkásipke (48,4%), jyljymaıtyn múlikpen jasalatyn operatsııalarǵa (19,3%), kólik jáne qoıma (11,3%) salalaryna tıesili.

Óńirlik turǵyda respýblıkanyń 18 óńirinde negizgi kapıtalǵa salynǵan ınvestıtsııa ósti.

Bul rette eń úlken ósim Qyzylorda jáne Jetisý oblystarynda (árqaısysynda 1,3 ese), Pavlodar jáne Manǵystaý oblystarynda (árqaısysynda 1,2 ese).

Negizgi kapıtalǵa salynǵan ınvestıtsııa kóleminiń tómendeýi Atyraý (0,4%) jáne Ulytaý (7,9%) oblystarynda baıqaldy.