Byltyr Ulttyq banktiń tólem júıesi arqyly kúnine orta eseppen 3,2 trln teńge tólem jasaldy

NUR-SULTAN. QazAqparat - 2021 jyly Ulttyq banktiń tólem júıeleri arqyly kúnine orta eseppen 3,2 trln teńge somaǵa tólem júrgizildi, dep habarlaıdy QazAqparat.

2021 jyly tólem júıeleri men qarjy uıymdarynyń tikeleı korrespondenttik shottary arqyly ulttyq valıýtada jasalǵan qolma-qol aqshasyz tólemder men aqsha aýdarymdarynyń jalpy kólemi 862 trln teńgeni qurady.

Onyń 91%-y ulttyq banktiń tólem júıeleri – bankaralyq aqsha aýdarý júıesi jáne bankaralyq klırıng júıesi arqyly júrgizildi.

QUB ulttyq tólem júıelerindegi tranzaktsııa sany 59,3 mln teńgeni, jalpy somasy –
782,1 trln teńgeni qurady.

Osylaısha, operatsııalar júrgizilgen kúnderi osy júıelerge túsken ortasha júkteme kúnine somasy 3,2 trln teńge bolatyn 241,2 myń tólemdi qurady.

Ortasha eseppen mınýtyna 4,8 mlrd teńge somaǵa tólem júrgizildi.

Operatsııalyq kún ishinde tólemderdiń eń kóp sany saǵat 12:00-den 13:00-ge deıingi kezeńde óńdeledi.

QUB tólem júıeleriniń jumys qabilettiliginiń koeffıtsıenti 2021 jyly 99,98% boldy.

Bul belgilengen nysanaly kórsetkishten asyp artyq, ári ulttyq tólem júıeleriniń jumys isteýiniń joǵary tıimdiligin sıpattaıdy.