Byltyr TMD elderiniń birlesken jalpy ishki ónimi 4,7% ósti

NUR-SULTAN. QazAqparat – Elordada QR Premer-Mınıstriniń orynbasary – QR Saýda jáne ıntegratsııa mınıstri Baqyt Sultanovtyń tóraǵalyǵymen TMD Ekonomıkalyq keńesiniń 94-shi otyrysy ótti, dep habarlaıdy QazAqparat tilshisi.

Keńes barysynda kópjaqty ekonomıkalyq yntymaqtastyq máseleleri qaraldy.

Delegatsııalar ekonomıkalyq ózara is-qımyldyń ózekti problemalary boıynsha pikir almasty.

TMD memleketaralyq statıstıka komıtetiniń tóraǵasy Konstantın Laıkam TMD memleketteriniń 2021 jylǵy ekonomıkasynyń negizgi maqsatty makroekonomıkalyq kórsetkishteri týraly aqparatty usyndy.

2021 jyly TMD-ǵa qatysýshy memleketterdiń birlesken jalpy ishki ónimi aldyn ala baǵalaý boıynsha 4,7%-ǵa ósken (2020 jyly ol 2,5%-ǵa azaıǵan edi).

Bul kórsetkishterdi taldaý nátıjeleri dostastyq sheńberinde makroekonomıkalyq turaqtylyqty saqtaýǵa, syrtqy saýda baılanystaryn nyǵaıtýǵa, memlekettik qarjy men qarjy naryǵynyń turaqtylyǵyna baǵyttalǵan is-sharalardy daıyndaý men iske asyrý kezinde paıdalanylady.

Otyrys barysynda TMD-ǵa qatysýshy memleketterdiń qazirgi ekonomıkalyq jaǵdaıyna jáne týyndaǵan problemalarǵa áreket etýdiń birlesken sharalaryn qaraýǵa erekshe nazar aýdaryldy.

Munda TMD Atqarýshy komıteti tóraǵasynyń orynbasary Ilhom Nematov baıandama jasady.

Sońǵy eki jarym aıda TMD memleketteriniń jáne atqarýshy komıtetiniń salalyq organdary men jaýapty ókilderi ózara saýda, kólik, energetıka, ónerkásip, agroónerkásiptik keshen, qarjy jáne basqa ózara is-qımyldyń basym baǵyttary boıynsha naqty sharalar tizbesin birlesip ázirlep, maquldaǵan.

Qujat salalyq yntymaqtastyq organdarynyń ulttyq ekonomıkalardyń ornyqty ósýin qamtamasyz etý jónindegi odan arǵy qadamdardy iske asyrýy úshin negiz bolýǵa tıis.