Byltyr Teńiz ken ornynda 30 mln tonnaǵa jýyq munaı óndirildi
«Byltyr «Teńizshevroıl» JShS 29,5 mln tonna shıki munaı óndirdi. Bul 2021 jylmen salystyrǵanda 10 paıyzǵa artyq. Memleketke tikeleı qarjylyq tólem 14,5 mlrd dollar boldy. Sonymen qatar, TShO óndirgen shıki munaıdyń ár tonnasyna shaqqandaǵy jalpy shyǵaryndy kólemi 2000 jyldan beri 75 paıyzǵa qysqardy»,- deıdi ol.
Aıtýynsha, keleshek keńeıý jobasy - uńǵy erneýindegi qysymdy basqarý jobasynyń basym bóligi aıaqtaldy. Joba júıeni iske qosý satysynda.
«TShO iske asyratyn biriktirilgen eki joba aıaqtalǵanan keıin Teńiz ken orynyndaǵy shıki munaı óndirý 12 mln tonnaǵa deıin artady, bul - jylyna shamamen 39 mln tonna»,- dedi Kevın Laıon.
Spıkerdiń sózinshe, jahandyq munaı naryǵyndaǵy jaǵdaıǵa qaramastan, kompanııa kásibı jaýapkershilik tanytyp, nátıjege jetýdiń durys jolyn tańdaý arqyly joǵary kórsetkish kórsete alady.
«2022 jyly bizdiń kompanııa Qazaqstandaǵy munaı-hımııa ónerkásibi men ishki naryqqa qajetti gazǵa degen suranysty jabýǵa Qazaqstanǵa kómek kórsetýdi jalǵastyryp jatyr. Byltyr TShO óndirgen gazdyń 87 paıyzyn Qazaqstannyń ishki naryǵyna jiberdi. Bul orasan zor jetistikter bizdiń tórt aktsıonerimiz ben Qazaqstan úkimetiniń kórsetip otyrǵan qoldaýynyń arqasynda júzege asty. Sonymen birge qyzmetkerlerimizdiń zor qabileti men adal eńbeginiń jemisi»,- dep atap ótti Kevın Laıon.
Foto: businesswire.com