Byltyr sýdıalarǵa qatysty azamattardyń shaǵymy 5 paıyzǵa azaıdy - Q. Mámı
Eske salaıyq, keńes otyrysy «2015-2025 jyldarǵa arnalǵan sybaılas jemqorlyqqa qarsy strategııany iske asyrý aıasynda sot organdarynda sybaılas jemqorlyqtyń aldyn alýdyń negizgi baǵyttary» atty taqyryp aıasynda ótýde.
Jıyndy ashqan QR Joǵarǵy Sotynyń Tóraǵasy Qaırat Mámı sybaılas jemqorlyqpen kúres - tutastaı Qazaqstan qoǵamynyń mańyzdy mindeti ekenin aıtyp, bul rette ádil sot júıesiniń minsiz qyzmeti erekshe mańyzǵa ıe ekenin alǵa tartqan bolatyn. Al byltyrǵy jyl qorytyndysy boıynsha keltirilgen málimetterge qaraǵanda, tutastaı alǵanda 2014 jyly sottar 1 mln. 200 myńnan astam isterdi qaraǵan. Bul rette shyǵarylǵan sot aktilerdiń 98,7 paıyzy zańdy ári negizdi bolyp tabylady.
«Sonymen qatar, 2014 jyly azamattar tarapynan sýdıalar qyzmetine qatysty túsken shaǵymdar sany 253-ke nemese 5 paıyzǵa tómendedi. Sottyń qazylar alqasynyń sýdıalarǵa qatysty qaraǵan isteriniń sany 20 paıyzǵa, al tártiptik shara qoldaný boıynsha is qozǵaý 14,3 paıyzǵa qysqaryp otyr», - dedi Q. Mámı.