Byltyr «Nurly jol» baǵdarlamasy aıasynda 80 myń jumys orny quryldy

ASTANA. QazAqparat - Byltyr elimizde jalpy astyq jınaý 18,7 mıllıon tonnany qurady. Aýyl sharýashylyǵy ónimderin shyǵarý 4,4 paıyzǵa ulǵaıdy. Búgin Parlament Májilisinde 2015 jylǵy respýblıkalyq bıýdjettiń atqarylýy týraly Úkimet esebin tanystyrǵan QR Qarjy mınıstri Baqyt Sultanov osylaı málim etti.

«Kólik kommýnıkatsııasy boıynsha 2020 jyly nátıjege qol jetkiziletin 28 nysanaly ındıkator kózdelgen. Qorytyndysynda 580 shaqyrym avtomobıl jolyndaǵy jumystar aıaqtaldy, 1 116 shaqyrym jol jóndeldi. Jalpy byltyrǵy bıýdjet boıynsha «Nurly jol» baǵdarlamasyna baılanysty qarjylandyrýdyń eki formaty boıynsha 707 mlrd. teńge ıgerildi. Onyń ishinde 492 mlrd. teńge bıýdjet arqyly qarjylandyrylǵan bolatyn. 80 myń jumys orny quryldy, 456 shaqyrym avtomobıl joly salyndy jáne rekonstrýktsııalandy», - dedi mınıstr.
Onyń aıtýynsha, atalǵan baǵdarlama aıasynda 673,5 myń sharshy metr turǵyn úı tapsyryldy. Budan bólek, otandyq óndiristiń avtomobılderin satý kólemi 4 540 birlikti qurady.