Byltyr «Nur Otan» partııasy el azamattarynan kelip túsken 85 myńnan astam ótinishti qarady
«Byltyrǵy jyly memlekettik organdardyń birinshi basshylary men depýtattardyń jeke qabyldaýlarynyń sany aldyńǵy jylmen salystyrǵanda 7 esege artty, ol 26 myńǵa jýyqtaǵan. Respýblıkalyq qabyldaýdaǵy árbir tórtinshi qabyldaý mınıstrler men agenttik tóraǵalarynyń qatysýymen uıymdastyryldy. Barlyq deńgeıdegi ákimder 3 myńǵa jýyq qabyldaý ótkizdi. Jalpy alǵanda, 2014 jyly el azamattarynan kelip túsken 85 343 ótinish qaralǵan.Olardyń 73 paıyzy - aýyzsha, 27 paıyzy - jazbasha tústi, sonyń ishinde 6 780 ótinish onlaın rejimde berildi», - dedi Baýyrjan Baıbek.
Onyń sózine qaraǵanda, ótinishterdi taldaý barysynda anyqtalǵanyndaı, jurtshylyq arasyndaǵy negizgi máseleler áleýmettik sıpatta bolyp otyr. Sonyń ishinde turǵyn úı men jer telimin bólý, jumysqa ornalasý men jalaqynyń tólenbeýi, ıpoteka problemalary men shaǵyn bıznestiń máseleleri bar. Budan bólek, birshama aryz-shaǵymdar quqyq qorǵaý organdarynyń jumysyna qatysty bolyp otyr.
Baýyrjan Baıbektiń aıtýynsha, «Nur Otan» partııasy ótken jyly asa mańyzdy máseleler boıynsha 389 taqyryptyq qabyldaýlar ótkizse, ondaı qabyldaýlarǵa 2024 adam qatysqan.