Byltyr kólik salyǵynan bıýdjetke mıllıardtaǵan qarajat tústi
17:08, 10 Qyrkúıek 2023
ASTANA. QazAqparat – Jańa Salyq saıasatynyń konsýltatıvtik qujatyn jarııalaǵan Ulttyq ekonomıka mınıstrligi byltyr kólik salyǵynan qansha teńge túskenin málim etti, dep habarlaıdy QazAqparat tilshisi.
«2022 jyly kólik quraldaryna salynatyn salyq boıynsha jeke tulǵalardan túsken kiris 70 mlrd teńge boldy», - dep Ulttyq ekonomıka mınıstrligi jańa Salyq kodeksiniń konsýltatıvtik qujatynda derekter keltirilgen.
Sonymen qatar, mınıstrlik deregine saı, Qazaqstan 2025 jyly Eýrazııalyq ekonomıkalyq odaq aıasynda munaı ónimderiniń biryńǵaı naryǵyna kóshedi.
«2025 jyly EAEO elderi sheńberinde munaı ónimderiniń biryńǵaı naryǵyna kóshý janar-jaǵarmaı baǵasynyń aıtarlyqtaı ósýine ákeledi. Nátıjesinde jeke tulǵalardyń kólik quraldaryna salynatyn salyqty, kádege jaratý alymyn, avtomobıl kólik quraldaryn bastapqy tirkegeni úshin alymdy eskere otyryp, jeńil kólik quraldaryn paıdalanýǵa arnalǵan jıyntyq shyǵyndary artady», - dep kórsetilgen qujatta.