Byltyr «QazMunaıGazdyń» 34 qyzmetkeri jaralanyp, bir jumysshy kóz jumǵan

ASTANA. QazAqparat – Byltyr «QazMunaıGaz» kompanııalarynda 34 óndiris jaraqaty tirkelip, bir adam qaıtys bolǵan, dep habarlaıdy QazAqparat tilshisi.

Bul jaıynda «QazMunaıGaz» ulttyq kompanııasynyń eńbek jáne qorshaǵan ortany qorǵaý departamentiniń dırektory Qaırat Seıtmaǵambetov «Samuryq-Qazyna» AQ qoǵamdyq keńesiniń otyrysynda aıtty.

«2022 jyly jazataıym oqıǵalardyń sany 35 boldy. Onyń ishinde 34 adam jaraqat alyp, 1 adam ólimi tirkeldi. 24 aýyr jaraqat, 10 jeńil jaraqat aldy. Jol apaty oqıǵalaryna toqtalsaq, 24 oqıǵa boldy. Sondaı-aq, bir órt tirkeldi. 24 jol apatyna toqtalsaq, onyń 13-i úshinshi taraptyń áreketinen bolǵan. ıAǵnı, tek 11-inde bizdiń júrgizýshiler sebepker bolǵan. Ólim oqıǵalarynyń koeffıtsenti 2022 jyly 1-ge teńeldi. 2021 jyly 2,93 bolǵan. Jaraqat koeffıtsenti – 0,36. Jol apaty oqıǵalarynyń koeffıtsenti – 1,26», - dedi departament dırektory.

Onyń aıtýynsha, bıyl kásiporyn eńbek qaýipsizdigi jónindegi ishki reglamentterin, standarttar men nusqaýlyqtardy jetildirmekshi.

«Mysaly, óndiris qaýipsizdiginiń nusqaýlyǵyn qaıta qaraý josparlanǵan. Qaýipsizdigi joǵary jumystar tizilimin odan ári damytamyz degen jospar bar. Tergeý reglamentin de jetildiremiz. ıAǵnı, aqaýlar men jazataıym jaıttardyń sebebin anyqtaý úshin keshendi ádisteme engizbekshimiz», - dedi Qaırat Seıtmaǵambetov.