Byltyr Qazaqstanǵa 1 mıllıonǵa jýyq sheteldik týrıst keldi – mınıstr

ASTANA. QazAqparat – Úkimet otyrysynda baıandama jasaǵan Mádenıet jáne sport mınıstri Ashat Oralov pandemııanyń saldaryna qaramastan, otandyq týrızmniń kórsetkishteri jaqsarǵanyn málim etti, dep habarlaıdy QazAqparat tilshisi.

«Dúnıejúzilik týrıstik uıym (UNWTO) týrızmniń qaıta qalpyna kelýi 2024 jylǵa deıin kesheýildeıdi dep boljaǵan bolatyn. Degenmen pandemııanyń aýyr zardaptaryna qaramastan, ótken jyldyń qorytyndysy boıynsha Qazaqstan týrızmi qalpyna keldi deýge tolyq negiz bar. Búginde otandyq týrıster sany 25%-ǵa artyp, 8,6 mln adamǵa jetti. Bul pandemııaǵa deıingi deńgeıden shamamen 2 mln-ǵa joǵary kórsetkish», - dedi Ashat Oralov.

Sonymen qatar, byltyr Qazaqstanǵa 1 mln-ǵa jýyq sheteldik týrıst kelgen. Mınıstr sózinshe, bıyl bul kórsetkish 1,4 mln-ǵa deıin ósedi dep kútilýde.