Byltyr Qazaqstanda ýran óndirisiniń kólemi tómendedi

ASTANA. QazAqparat – Byltyr ýran óndirisiniń kólemi 3% tómendedi. Bul týraly BAQ ókilderiniń qatysýymen ótken baspasóz máslıhatynda «Qazatomónerkásip» UAK» AQ basqarma tóraǵasy Erjan Muqanov aıtty, dep habarlaıdy QazAqparat tilshisi.

«Byltyr respýblıka boıynsha 21 227 tonna ýran óndirildi. Bul 2021 jylmen salystyrǵanda 3% tómen. Uńǵymalardy ornatyp, olar arqyly ýran óndirisi jolǵa qoıylǵanǵa deıin 8-10 aı ýaqyt ótedi. COVID-19 pandemııasyna baılanysty 2021 negizgi materıaldar men jabdyqtardy alý múmkindigi shektelip, kidiris boldy. Tıisinshe, 2022 jyly óndiris kólemi tómendedi», - dedi Erjan Muqanov

Sonymen qatar ol brıfıng barysynda keler jyldyń ortasynda Túrkistan oblysynda kúkirt qyshqyly zaýytynyń qurylysy bastalatynyn málim etti.