Byltyr Qazaqstanda tirkelmegen 700-den astam dári-dármekti ákelýge ruqsat berilgen
«Kodekste Qazaqstan Respýblıkasynda tirkelmegen dárilik zattar men medıtsınalyq buıymdardy el aýmaǵyna ákelýge múmkindik beretin norma qamtylǵan. 2022 jyly ýákiletti organ 762 dárilik preparatty bir rettik ákelýge 403 ruqsat qujatyn berdi. Onyń arasynda shekteýli kontıngenttiń densaýlyq kórsetkishteri boıynsha 427 dárilik zatqa (Zolgenzma, Spınraza) ruqsat etildi. Sonymen qatar, saraptama jumystaryn júrgizý úshin 152 preparatqa, klınıkalyq zertteýler júrgizýge – 64, gýmanıtarlyq kómekke – 27, Biryńǵaı dıstrıbıýter satyp alý úshin 92 dári-dirmek qamtyldy. atap aıtqanda, «Aktemra» jáne sırek kezdesetin orfandyq aýrýlardy emdeýge arnalǵan basqa da preparattar ákelindi», - dedi J.Búrkitbaev Ortalyq kommýnıkatsııalar qyzmetindegi baspasóz máslıhatynda.
Budan buryn habarlanǵandaı, qazirgi kezde elimizde 7,5 myńǵa jýyq dárilik preparat pen 11 myńnan astam medıtsınalyq buıym tirkelgen. 2022 jyly dári-dármektiń 117 ataýyna jáne medıtsınalyq zattardyń 164 ataýyna teris qorytyndy jasaldy, ıaǵnı olardyń naryqqa jiberilýine ruqsat berilmedi.
Aıta keteıik, jaqynda senator Aqmaral Álnazarova sapasyz dárilik zattardyń ımportyna tosqaýyl qoıýǵa qatysty usynys aıtty.