Byltyr Qazaqstan tarıhyna qatysty 7 myńnan astam qujat elge ákelingen
11:32, 20 Qańtar 2023
ASTANA. QazAqparat – Ótken jyly tarıhı qujattardy túgendeý maqsatynda mamandar shet elderden Qazaqstanǵa 7 myńnan astam qujat ákeldi. Bul týraly Mádenıet jáne sport mınıstrliginiń keńeıtilgen alqa otyrysynda vedomstvo basshysy Ashat Oralov aıtty, dep habarlaıdy QazAqparat tilshisi.
«Ǵylymı-restavratsııalyq jumystar men arheologııalyq zertteýlerdiń úzdiksiz júrgizilýiniń arqasynda mýzeı qorlary turaqty túrde jańa eksponattarmen tolyǵyp keledi. Mysaly, byltyrdyń ózinde 18 arheologııalyq zertteý jasalǵan, 30-ǵa jýyq eskertkish qaıta jóndeldi. Oǵan qosa, arhıvshiler tarıhı qujattardy túgendeý maqsatymen ótken jyly elimizge 7 myńnan astam qujatty shet elderden ákeldi. Ol qujattarda arǵy-bergi tarıhymyzdan syr shertetin qundy derekter jetkilikti ekeni anyq», - dep toqtaldy Mádenıet jáne sport mınıstri Ashat Oralov.