Byltyr Qazaqstan 20 memleketke 100-ge jýyq serıal satqan - Darhan Qydyráli

ASTANA. QazAqparat – QR Aqparat jáne qoǵamdyq damý mınıstri Darhan Qydyráli qansha memleket Qazaqstanda túsirilgen serıaldardy satyp alyp jatqanyn aıtty, dep habarlaıdy QazAqparat tilshisi.

«Jalpyulttyq ıdeologııada serıaldardyń mańyzy óte zor. Máselen, otbasy qundylyqtary, úlkenge qurmet, kishige izet bildirý, eńbek adamy nemese basqa da baǵyttaǵy jumystar serıaldarǵa engizilip jatyr», - dedi D. Qydyráli Senatta «Buqaralyq aqparat quraldary men áleýmettik jelilerdiń memlekettik ıdeologııany qalyptastyrýdaǵy orny» taqyrybynda ótken jıynda.

Osy oraıda mınıstr otandyq serıaldarǵa shetelde suranys bar ekenin aıtty.

«Bizdiń serıaldarǵa ishki naryqta jáne halyqaralyq deńgeıde úlken suranys bar. Byltyrdyń ózinde 20 memleketke 100-ge jýyq ónim satylǵan», - dedi Darhan Qydyráli.

Budan buryn habarlanǵandaı, Qazaqstanda túsirilgen serıaldar AQSh, Pýerto-Rıko, Kanada, Latyn Amerıkasynda kórsetildi.

Aıta keteıik, bıyl otandyq serıal kontentine arnalǵan «Nauryz» ulttyq báıgesiniń jeńimpazdary marapattaldy.