Byltyr elimizge zańsyz kirgen Ózbekstannyń 59 myń azamaty jaýapqa tartylyp, 1 946-y elden shyǵaryldy

ASTANA. QazAqparat - 2014 jyly elimizge zańsyz kirgen Ózbekstannyń 59 myń azamaty ákimshilik jaýapqa tartyldy, al 1 myń 946 azamaty elden shyǵaryldy. Bul týraly búgin Parlament Májilisiniń jalpy otyrysynda Іshki ister mınıstriniń birinshi orynbasary Marat Demeýov málim etti.

Eske salaıyq, jalpy otyrysta «Qazaqstan Respýblıkasynyń Úkimeti men Ózbekstan Respýblıkasynyń Úkimeti arasyndaǵy Adamdardyń readmıssııasy týraly kelisimdi jáne Qazaqstan Respýblıkasynyń Úkimeti men Ózbekstan Respýblıkasynyń Úkimeti arasyndaǵy Adamdardyń readmıssııasy týraly kelisimdi iske asyrý tártibi týraly atqarý hattamasyn ratıfıkatsııalaý týraly» zań jobasy maquldanǵan bolatyn.

Qujatty talqylaý barysynda depýtat Kamal Burhanov kórshi elderden, sonyń ishinde Ózbekstannan keletin zańsyz kóshi-qonnyń problemasy bar ekenin alǵa tartyp, kelisimdi qabyldaýdyń nátıjesinde ondaı zańsyz kelýshilerdi qaıtarý rásimderine nazar aýdarǵan bolatyn.

Óz kezeginde Іshki ister mınıstriniń orynbasary Marat Demeýov readmıssııasy máselesi Qazaqstan nemese Ózbekstan memleketteri tarapynan jasalǵan úshinshi elder arqyly da júzege asatynyn atap ótti.

«2014 jylǵy málimetterdi alsaq, Qazaqstanǵa 530 myń Ózbekstan azamaty kelgen bolatyn. Al kirip-shyqqan (bir táýlikke) azamattar sany 3 mln. 640 myńnan asady. Sondaı-aq zańsyz kóshi-qon boıynsha ákimshilik jaýapqa tartylǵandar sany 59 myń adamdy qurap otyr. Sonyń ishinde elimizden 1 946 Ózbekstan azamaty shyǵaryldy», - dedi M.Demeýov.