Byltyr elimizdiń qaı óńirlerindegi kásiporyndarda óndiristik apat kóp tirkeldi

ASTANA. QazAqparat – Ortalyq kommýnıkatsııalar qyzmetinde ótken brıfıngide Tótenshe jaǵdaılar mınıstrligi Ónerkásiptik qaýipsizdik komıtetiniń tóraǵasy Nyǵmedjan Maqajanov byltyr elimizdiń ónerkásip salasynda bolǵan apattar týraly aıtty, dep habarlaıdy QazAqparat tilshisi.

Nyǵmedjan Maqajanov keltirgen derekke sáıkes, ótken jyly elimizdiń kásiporyndarda bolǵan apattar:

Astana qalasy – 4;

Almaty qalasy– 2;

Almaty oblysy – 1;

Aqtóbe oblysy – 5;

Atyraý oblysy – 4;

Shyǵys Qazaqstan oblysy – 3;

Qyzylorda oblysy – 3;

Mańǵystaý oblysy – 2;

Jambyl oblysy – 1;

Qaraǵandy oblysy – 1;

Qostanaı oblysy – 1;

Pavlodar oblysy – 1.

Komıtet tóraǵasynyń sózinshe, 2022 jyly eńbek qaýipsizdiginiń saqtalmaýy saldarynan 231 oqys oqıǵa tirkelgen.

«Sonymen qatar byltyr 231 oqys oqıǵa tirkeldi. Olar Batys Qazaqstan oblysynda – 61, Mańǵystaý oblysynda – 53, Qaraǵandy oblysynda – 30, Pavlodar oblysynda – 24, Qostanaı oblysynda – 16, Atyraý oblysynda – 13, Aqtóbe oblysynda – 11, Shymkent qalasynda – 8, Aqmola oblysynda – 8, Túrkistan oblysynda – 4 jáne Almaty qalasynda 3 oqıǵa oryn aldy.

Avarııalardy tergep-tekserý qaýipti óndiristik obektiler jumysshylarynyń ónerkásiptik qaýipsizdik talaptaryn saqtamaǵanyn, paıdalanylatyn jabdyqqa tehnıkalyq tekserýdiń sapasyz júrgizilýimen baılanysty ekenin anyqtady», - dedi komıtet tóraǵasy.

Nyǵmedjan Maqajanovtyń aıtýynsha, byltyr qaýipsizdik talaptaryn óreskel buzǵany úshin 733 kásiporynnyń jumysy toqtatylǵan. Buǵan qosa, kompanııalarǵa 254 mln teńge aıyppul salynǵan.

Brıfıngi barysynda komıtet basshysy ótken jyly el kásiporyndarynda 28 avarııa bolyp, saldarynan 15 adam kóz jumǵanyn málimdedi.