Byltyr elimizde tirkelgen qylmystardan 495,1 mlrd teńge shyǵyn keldi – ІІM

ASTANA. QazAqparat – Qylmystardan kelgen qarjylyq zalaldyń 51,8%-y jeke jáne zańdy tulǵalarǵa tıesili bolsa, 48,2%-y memleketke qatysty shyǵyndar. Bul týraly «Ashyq» NQA portalynda jarııalanǵan Qoǵammen áriptestikte qoǵamdyq qaýipsizdikti qamtamasyz etýdiń 2024-2028 jyldarǵa arnalǵan tujyrymdamasynda jazylǵan, dep habarlaıdy QazAqparat tilshisi.

«Qazaqstandaǵy qylmystyń dınamıkasyna, qurylymyna jáne deńgeıine qatysty qylmystyq-quqyqtyq statıstıkany taldaý sońǵy 5 jyl ishinde elde qylmystyq quqyq buzýshylyqtar sanyn azaıtýdyń turaqty úrdisi saqtalǵanyn kórsetedi. Atap aıtqanda 2018 jyly 292,2 myńnan 2022 jyly 157,4 myńǵa deıin. Osy kezeńde qylmystyq quqyq buzýshylyqtardan zardap shekken adamdardyń sany 1,7 esege qysqardy. Qylmystan zardap shekken áıelder sany 116,7 myńnan 64,1 myńǵa deıin, erler sany 126,1 myńnan 72,8 myńǵa deıin qysqardy. Jalpy, taldanyp otyrǵan kezeńde kisi óltirý sany 823-ten 520-ǵa deıin, densaýlyqqa qasaqana aýyr zııan keltirý 2 198-den 1 840-qa deıin, zorlaý 3 ese qysqardy», - delingen tujyrymdamada.

Mınıstrlik aqparatyna saı, qylmystyq quqyq buzýshylyqtardyń jalpy sany tómendegenimen, olardan bolǵan zalal kólemi ulǵaıdy. ıAǵnı, kelgen shyǵyn 237,3 mlrd teńge bolsa, byltyr ol 495,1 mlrd teńgege deıin ósken.

«Jalpy, qylmystardan bolatyn qarjylyq zalaldyń negizgi úlesi jeke jáne zańdy tulǵalarǵa tıesili – 51,8%, al memleketke qatysty – 48,2%. Bul rette zııannyń jartysynan astamy jyl saıyn menshikke qarsy qylmystarmen (urlyq, alaıaqtyq, senip tapsyrylǵan bóten múlikti ıemdený jáne ysyrap etý) jáne 26,5 % ekonomıkalyq qyzmet salasyndaǵy qylmystarmen baılanysty», - dep jazylǵan qujatta.