Byltyr elimizde 7 ákim, 5 prokýratýra ókili, 2 sýdıa jemqorlyqpen sottalǵan
Bul týraly Sybaılas jemqorlyqqa qarsy is-qımyl agnettiginiń 2022 jylǵy sybaılas jemqorlyqqa qarsy is-qımyl týraly ulttyq baıandamasyndaı aıtylǵan.
Osy tirkelgen 1 724 qylmystyq istiń 549-y para berý, 446-sy para alý, 311-i alaıaqtyq, 110-y laýazymynyń ókilettikterin terýs paıdalaný, 87-si senip tapsyrylǵan múlikti ıemdený nemese ysyrap etý faktileri boıynsha qozǵalǵan.
«Byltyr sybaılas jemqorlyq qylmys jasaǵany úshin 725 adam sottaldy. Onyń ishinde: ishki ister organdarynan – 187 qyzmetker, ákimdikterden – 143 qyzmetker, 7 ákim, Qarjy mınıstrliginen – 40 ókil, Aýyl sharýashylyǵy mınıstrliginen – 18 adam, Indýstrııa jáne ınfraqurylymdyq damý mınıstrliginen – 14 qyzmetker, Densaýlyq saqtaý mınıstrligi – 5 adam, Tótenshe jaǵdaılar mınıstrligine – 5 qyzmetker, ekonomıkalyq tergeý qyzmetinen – 5 adam, prokýratýradan – 5 ókil, sybaılas jemqorlyqqa qarsy qyzmetten – 5 adam, 2 sýdıa bar», - dep jazylǵan ulttyq baıandamada.
Sybaılas jemqorlyqqa qarsy qyzmet 1118 sybaılas jemqorlyq qylmysty tirkedi, 1016 adam áshkerelendi»
Qylmystyq shemalardyń jáne joǵary laýazymdy adamdardyń qatysýymen bolǵan sybaılas jemqorlyq «pıramıdalarynyń» jolyn kesýge basa nazar aýdarý nátıjesinde, aýyr jáne asa aýyr qylmystardy anyqtaý ósimi 13 %-dy (733-ten 827-ge deıin) qurady.
Kásipkerlerdiń quqyqtaryn qozǵaıtyn sybaılas jemqorlyq qylmystar jasaǵany úshin 115 laýazymdy tulǵa áshkerelendi. 73 laýazymdy tulǵa sottaldy, sheneýnikterdiń ozbyrlyǵynan 106 kásipkerdiń quqyǵy qorǵaldy.
Sotqa deıingi aıaqtalǵan tergeýler boıynsha ótelgen zalal somasy
108 mlrd. teńgeni qurady.
Jalpy, Agenttik 653 mlrd. teńgege jýyq somadaǵy múliktik aktıvter men aqshalaı qarajatty qaıtarýdy qamtamasyz etti.
Sotqa jiberilgen jáne aqtalmaıtyn negizder boıynsha toqtatylǵan árbir qylmystyq is boıynsha qylmystyq quqyq buzýshylyq jasaýǵa yqpal etken zań buzýshylyqtardy joıý týraly júz paıyz usynys engizý qamtamasyz etildi (867 usynym, 665 laýazymdy adam tártiptik jaýapkershilikke tartyldy, onyń ishinde 314 basshy).
Sybaılas jemqorlyq qylmys týraly habarlaǵany úshin 134 adamǵa
40,6 mln. teńge somasyna syıaqy tólendi, 7 memlekettik qyzmetshi gramotamen marapattaldy.
2022 jyly 83 adam izdestirildi. Qabyldanǵan sharalar boıynsha olardyń sany 59-ǵa deıin azaıdy. Eldiń sheginen tys jerde 6 adam ustaldy, olardyń bireýi 11 jyldan astam izdeýde bolǵan.