Byltyr Atyraýda 50-ge jýyq jasóspirim joǵalyp ketken
Atyraý qalalyq polıtsııa basqarmasy ıývenaldy polıtsııa bólimshesiniń bastyǵy Azamat Qaramuratovtyń aıtýynsha, jasóspirimderdiń joǵalýynyń basty sebebi – ata-anasyn habardar etpeı ketip qalýy.
«Jaspirimderdiń kópshiligi ata-anasymen kelise almaýdyń sebebinen joǵalady. Endi biri ata-anasynan kóz jazyp qalady. Byltyr Atyraý qalalyq polıtsııa basqarmasynyń «102» arnasyna jasóspirimderdiń úıinen shyǵyp ketip, qaıta oralmaǵany týraly 46 aryz tústi. Polıtsııa qyzmetkerleri joǵalǵan jasóspirimniń bárin taýyp, otbasymen qaýyshtyrdy. Kámeletke tolmaǵandardyń arasynda únemi joǵalatyn jasóspirimder bar. Máselen, bir jasóspirim úıinen 3 ret ketip, qaıta oralǵysy kelmegen. Qańǵybastyqpen aınalysqan jasóspirimniń ata-anasy ákimshilik jaýapkershilikke tartyldy. Bul jasóspirim ishki ister organdarynyń esebine alyndy», - deıdi Azamat Qaramuratov.
Eske salaıyq, budan buryn Atyraý oblysynda tótenshe jaǵdaı rejımi kezinde 46 adam ákimshilik qamaýǵa alynǵanyn jazǵan bolatynbyz.