Byltyr astyq eksportynan Qazaqstan 1 mlrd. dollardan astam kiris keltirdi

ASTANA. QazAqparat - 2013 jyly astyq eksportynan Qazaqstan 1,2 mlrd. dollar kiris keltirdi. Bul týraly búgin Ortalyq kommýnıkatsııalar qyzmetindegi brıfıngte «Azyq-túlik kelisimshart korporatsııasy» UK» AQ kommertsııalyq dırektory - basqarýshy dırektory Nurbek Daıyrbekov málim etti.

«Jalpy bıdaı eksportynan jıyntyq tabys sońǵy 4 jylda 2,5 esege jýyq kórsetkishke ósti. Búginde statıstıkalyq málimetterge qaraǵanda, 2013 jyly bıdaı eksportynan jalpy jıyntyq tabys 1,2 mıllıard dollardy qurady. Máselen, 2009 jyly eksporttan túsken paıda 600 mıllıon dollarǵa tarta qarjyǵa jetken bolatyn», - dedi N. Daıyrbekov.

Sonymen qatar ol Reseı jaǵy 2000 jyldardyń aıaǵynda qazaqstandyq astyqty alýdy toqtatqanyn, alaıda Keden odaǵy qurylǵaly Reseı tarapy sońǵy eki jylda qazaqstandyq bıdaıdyń ımportyn arttyryp otyrǵandyǵyn jetkizdi.

«Reseı Qazaqstannyń astyq naryǵyndaǵy mańyzdy qatysýshylarynyń birine aınalyp keledi. Eger 2009-2010 marketıngi jyldary bıdaıdyń jalpy ımporty jyl saıyn 100 myń tonnany qurasa, al aǵymdaǵy jáne ótken marketıngti jyldarynda ımport kólemi mıllıon tonnadan asyp tústi. Bul óz kezeginde KO búginde tıisti deńgeıde jumys istep jatqandyǵyn, taýarlardy kirgizý men ákimshilik kedergiler jeńildetilgenin baıqatyp otyr», - dep túıdi N. Daıyrbekov.