Byltyr astanada bala tasıtyn mektep avtobýstary 7 márte apatqa ushyraǵan

NUR-SULTAN. QazAqparat - Nur-Sultan qalasynyń polıtseıleri mektep avtobýstarynyń tehnıkalyq jaǵdaıyn tekserdi, dep habarlaıdy QazAqparat.

«Balalardyń joldaǵy qaýipsizdigi!» atty jedel-aldyn alý sharasy aıasynda polıtsııa departamentiniń qyzmetkerleri elordadaǵy mektep avtobýstaryn tekserdi.

Balalardy oqý uıymdaryna qaýipsiz jetkizýge arnalǵan kólikterdiń tehnıkalyq jaǵdaıy jaqsy ekeni aıtyldy.

Órt sóndirý men alǵashqy medıtsınalyq kómek kórsetýge arnalǵan quraldardyń bar bolýy, avtobýstyń artqa júris kezinde jarqyldaýyq maıaktardyń, dybys jáne jaryq sıgnaldarynyń jumysqa qabileti tekserildi.

Ár bala úshin jeke qaýipsizdik beldigi bolýyna, onyń jaramdylyǵyna erekshe nazar aýdaryldy.

«Memleket basshysy 2022 jyldy balalar jyly dep jarııalady. Balalardyń jol-kólik jaraqatynyń aldyn alý - balalardyń qaýipsizdigin qamtamasyz etýdegi mańyzdy mindetterdiń biri»,- dedi Nur-Sultan qalasy polıtsııa departamentiniń bastyǵy Marat Tólebaev.

Ótken jyly mektep avtobýstarynyń qatysýymen 7 jol-kólik oqıǵasy bolsa, onyń ekeýi mektep avtobýsy júrgizýshisiniń kinásinen bolǵan. Apattan eshkim zardap shekpegen.

Polıtseıler júrgizýshilermen jol qozǵalysy erejelerin múltiksiz saqtaýǵa qatysty jáne balalardy mektep avtobýstaryna otyrǵyzý, túsirý, tasymaldaý kezinde balalardy ustaý qurylǵylaryn mindetti túrde paıdalaný jóninde profılaktıkalyq áńgime júrgizdi.

Jol qaýipsizdigin qamtamasyz etý maqsatynda avtobýstardyń baǵyttary zerdelenip, júrgizýshilerdiń ákimshilik aıyppulynyń bar-joǵy tekserildi.