Byltyr astana áýejaıy arqyly zańsyz 200 mln teńge alyp ótpek bolǵan
Nur-Sultan qalasy boıynsha Memlekettik kirister departamenti 2021 jyly QR ÁQBtK 551-babynyń 3-bóligi boıynsha 13 ákimshilik materıal toltyrǵan (taýarlardy, qolma-qol aqsha qarajatyn, aqsha quraldaryn deklaratsııalamaý nemese anyq emes kedendik deklaratsııalaý, kedendik qujattardaǵy málimetterdi anyq emes málimdeý), deklaratsııalanbaǵan qolma-qol aqsha qarajatynyń somasy 203 706 259 teńge, osy buzýshylyqtar boıynsha aıyppul somasy 379 210 teńgeni qurady.
Mysalǵa alsaq, 16.12.2021 jyly Nur-Sultan qalasynyń «Nursultan Nazarbaev» halyqaralyq áýejaıynda «Nur-Sultan - Ystambul» halyqaralyq áýe reısimen ushyp bara jatqan jolaýshylar kedendik baqylaýdan ótkennen keıin Nur-Sultan qalasy boıynsha departamentiniń «Áýejaı-Astana» keden beketiniń qyzmetkerleri QR UQK Shekara qyzmetiniń qyzmetkerlerimen birlesip, Lıvan azamatshasyn ustady. Ustaý kezinde 13 900 AQSh dollary mólsherinde deklaratsııalanbaǵan aqsha qarajaty anyqtaldy (QR Ulttyq Bankiniń 16.12.2021 j. baǵamy boıynsha 6 054 006 teńgeni quraıdy).
29.12.2021 jyly Nur-Sultan qalasynyń «Nursultan Nazarbaev» halyqaralyq áýejaıynda «Nur-Sultan - Ystambul» halyqaralyq áýe reısimen ushyp bara jatqan jolaýshylar kedendik baqylaýdan ótkennen keıin QR azamaty ustaldy. Ustaý kezinde 38 000 dollar somasyndaǵy deklaratsııalanbaǵan aqsha qarajaty anyqtaldy (QR Ulttyq Bankiniń 29.12.2021 j.baǵamy boıynsha 16 409 920 teńgeni quraıdy).
MKK Keden kodeksiniń 343-baby 1-tarmaǵynyń 7) tarmaqshasynda qolma-qol aqsha qarajaty kedendik deklaratsııalaýǵa jatatyny belgilengenin eske salady.
Kedendik deklaratsııalaýdy júzege asyrý ótkiziletin qolma-qol aqshanyń jáne jol chekteriniń shyǵý tegi jáne maqsaty týraly málimetterdi kórsete otyryp, ákelinetin nemese áketiletin qolma-qol shetel valıýtasynyń, qolma-qol Ulttyq valıýtanyń jáne jol chekteriniń barlyq somasyna jazbasha nysanda kedendik deklaratsııa berý arqyly júrgiziledi.
Budan basqa, taýarlardy kedendik deklaratsııalaý kezinde jeke tulǵalar 10 000 (on myń) AQSh dollary balamasyna teń nemese odan aspaıtyn jalpy somadaǵy qolma-qol shetel valıýtasyn jáne (nemese) qolma-qol ulttyq valıýtany (baǵaly metaldardan jasalǵan monetalardy qospaǵanda) jáne jol chekterin kedendik deklaratsııasyz QR-ǵa ákelýge nemese QR-dan áketýge quqyly.
Salyqtyq jáne kedendik máseleler týraly tolyq aqparatty elorda turǵyndary 1414/3 nómiri arqyly nemese Instagram-nursultanmkd akaýnty arqyly bile alady.