Byltyr álemde azyq-túlik ónimderiniń baǵasy 14,3 protsentke ósti – FAO

RIM. SINЬHÝA – Energııa tasymaldaýshylar men tyńaıtqysh baǵasy óskendikten 2022 jyly azyq-túlik ónimderiniń álemdegi baǵasy ótken jylmen salystyrǵanda 14,3 protsentke kóterildi.

Bul týraly juma kúni BUU Azyq-túlik jáne aýylsharýashylyq uıymy – FAO málimdedi, dep habarlaıdy QazAqparat Sınhýa agenttigine silteme jasap.

FAO sýbındeksteri kórsetkendeı, 2022 jyly astyq ónimderi 2021 jylmen salystyrǵanda 17,9, ósimdik maıy – 13,9, sút ónimderi – 19,6, et – 10,4, qant – 4,7 protsentke qymbattaǵan.

2022 jyldyń jeltoqsanynda FAO azyq-túlik baǵasy ındeksi qarashamen salystyrǵanda 1,9 protsentke azaıdy. Kórsetkish toǵyz aı boıy qatarynan tómendep jatyr, biraq ındeks 2022 jyldyń alǵashqy aılarynda kúrt joǵarylap ketkendikten jyl sońynda ol 2021 jyldyń ortasha kórsetkishinen asyp tústi.

Jeltoqsanda tómendeýiniń sebebi – naryq úlestirý kezindegi kidiristerge, kólik baǵasynyń qymbattaýyna jáne suranystyń azaıǵanyna beıimdeldi.

FAO birneshe ret azyq-túlik ónimderiniń ósimi, ásirese kedeı elderde jahandyq azyq-túlik qaýipsizdigine qaýip tóndirýi múmkin ekenin eskertken bolatyn.

Foto: news.un.org