Byltyr agrosalanyń negizgi kapıtalyna $2 mlrd ınvestıtsııa tartyldy – Qarashókeev

ASTANA. QazAqparat – Astana halyqaralyq forýmy aıasynda paneldik sessııaǵa qatysqan Aýyl sharýashylyǵy mınıstri Erbol Qarashókeev ózi jetekshilik etip otyrǵan salaǵa tartylǵan ınvestıtsııalar kólemi ulǵaıǵanyn atap ótti, dep habarlaıdy QazAqparat tilshisi.

«Ótken jyly aýyl sharýashylyǵy salasynyń negizgi kapıtalyna salynǵan ınvestıtsııa kólemi shamamen 7% artyp, 2 mlrd dollarǵa teńeldi. Bıyl 4 aıdyń qorytyndysy boıynsha bul baǵytta oń dınamıka saqtalyp otyr. Atap aıtqanda, jyl basynan negizgi kapıtalǵa baǵyttalǵan ınvestıtsııanyń 25% óskeni baıqalady. Byltyr azyq-túlik taýarlaryn óndirý isine salynǵan ınvestıtsııa 15,7% artty», - dedi Erbol Qarashókeev.

Sonymen qatar mınıstr aldaǵy jumystarǵa da toqtaldy. Onyń málimetinshe, keler jyly agroónerkásip salasynda 900-den asa ınvestıtsııalyq joba iske asady. Olardyń jalpy quny –6 mlrd dollar.

Mınıstr E.Qarashókeevtiń boljamyna saı, keler jyly azyq-túlik taýarynyń óndirisi 7 mlrd dollarǵa jetedi.