Byltyr 39 polıtsııa qyzmetkeri azaptaý boıynsha jazaǵa tartyldy - QR Bas prokýratýrasy
17:00, 04 Sáýir 2014
ASTANA. QazAqparat - Byltyr Qazaqstanda azaptaý men zorlyq-zombylyq kórsetken 39 polıtsııa qyzmetkeri jazaǵa tartyldy. Bul týraly QR Bas prokýratýrasynyń baspasóz qyzmeti habarlady.
«Statıstıkalyq málimetter boıynsha 2011-2013 jyldar aralyǵynda 105 tulǵa jaýapqa tartyldy. Olar negizinen bas bostandyqtarynan aıyryldy. 2013 jylǵy jazaǵa tartylǵandardyń kóp bóligin, ıaǵnı 39-yn polıtsııa qyzmetkerleri qurady, sondaı-aq qylmystyq-atqarý júıesiniń 13 qyzmetkeri jazalandy» delingen baspasóz habarlamasynda.
Saraptama kórsetkendeı, polıtsııa qyzmetkerleriniń arasynda mundaı qylmysqa baratyndar negizinen jedel ýákilder men ýchaskelik polıtsııa qyzmetkerleri. Al qylmystyq-atqarý júıesiniń qyzmetkerleri negizinen túrmelerde jazasyn ótkizip júrgen adamdarǵa qatysty azaptaý qylmystaryn jasaǵan.