Byltyr 2,4 mln astam qazaqstandyq skrınıngten ótti

ASTANA. QazAqparat – Keıingi jyly 2,4 mıllıonnan astam qazaqstandyq onkologııalyq aýrýlardy anyqtaýǵa arnalǵan skrınıngten ótti, dep habarlaıdy QazAqparat tilshisi.

«Qazaqstanda 2008 jyldan bastap sút bezi jáne jatyr moıny obyrynyń skrınıngi jáne 2011 jyldan bastap kolorektaldy obyrdyń (toq ishektiń) skrınıngi júrgizilýde. Elimizde belsendi túrde 3 túrli onkologııalyq skrınıng júrgiziledi. Ótken jyly skrınıng sheńberinde 2 465 713 er men áıel tekserý júrgizildi. 2021 jyly da 2 465 713 adam skrınıngten ótken edi. Jas toby boıynsha áıel adamdar 30 jastan bastap, er adamdar 40 jastan bastap skrınıngten ótedi», - delingen resmı saýalǵa berilgen Densaýlyq saqtaý mınıstrliginiń jaýabynda.

Qosa ketsek, Qazaqstanda onkologııamen aýyratyn 210 myńnan astam adam esepte tur.

Keıingi 2 jylda jastardan qaterli isik jıi anyqtalyp jatyr.

Osyǵan baılanysty mınıstrlik qaterli isiktiń órshýine sebep bolǵan basty faktorlardy atady.

Jalpy jyl saıyn onokologııaǵa shaldyqqan naýqastardy emdeýge 36 mlrd teńge bólinedi.