BUU jeke aqparatqa quqyqtardy qorǵaý týraly qarardy qabyldady
15:47, 19 Jeltoqsan 2013
ASTANA. 19 jeltoqsan. QazAqparat - BUU-nyń Bas assambleıasy uıymǵa múshe barlyq elderdi ınternet jáne basqa elektrondy kommýnıkatsııalardyń túrlerin paıdalanýshylar úshin jeke aqparatqa quqyqty qorǵaýǵa kepildik berýge shaqyratyn qarardy qabyldady.
Brazılııa men Germanııa usynǵan qarar AQSh-tyń Ulttyq qaýipsizdik agenttigi aınalasyndaǵy daý-damaıdan keıin paıda boldy. Atalǵan arnaıy qyzmetke qatysty mıllıondaǵan telefon qońyraýlaryna, onyń ishinde memleket basshylaryna telefon baılanystaryna tyńshylyq jasady degen aıyptar aıtylǵan bolatyn.
VVS-diń jazýynsha, dúısenbide AQSh-tyń federaldyq soty UQA júzege asyrǵan telefon baılanystaryn jappaı tyńdaý baǵdarlamasy konstıtýtsııaǵa qaıshy ekenin qaýly etti.
Federaldy okrýgtik sýdıa Rıchard Leonnyń aıtýynsha, agenttiktiń tájirıbesi azamattardyń jeke ómirine zańsyz aralasý bolyp tabylady.