BUU: SOR28 qujatynyń jańa jobasy qazba otynnan bas tartýdy kózdeıdi

<p>12 jeltoqsanda BUU klımat boıynsha konferentsııasy aıaqtalady. Dýbaıdaǵy SOR28 klımattyq sammıtiniń qatysýshylary qazba otynnan bas tartýǵa qatysty daýlasyp jatyr. Taraptar naqty sheshimge kele almaı otyr, dep habarlaıdy Kazinform.</p>

Qujat mátinine, ásirese, Saýd Arabııasynyń narazylyǵy kóp. BUU klımat ózgerisi boıynsha negizdemelik konventsııasynyń atqarýshy hatshysy Saımon Stıl kelisimdi buǵattaý tásilin toqtatýǵa shaqyrdy.

Olar talqylanatyn nusqalar sany aıtarlyqtaı qysqarǵanyn atap ótti.

Saımon Stıl, BUU KÓNK atqarýshy hatshysy: «Qazir biz bul jerge eki máseleni talqylaýǵa jınaldyq. Birinshiden, klımat ózgerý saldaryn jumsartýǵa qanshalyqty qaýqarlymyz, ekinshiden, ony júzege asyrýǵa daıynbyz ba?»

Saýd Arabııasy men Irak kelisim mátinine kómir, munaı men gaz paıdalanýdan bas tartýdy qosýǵa qarsy.

EO ókilderi sońyna deıin Konventsııa qazba otynnan kezeń-kezeńimen bas tartý týraly kelisimmen aıaqtalýy úshin baryn salady.

«Qaldyqtar kóbeıe berse ǵalamshar qaınap ketedi. Sol úshin osynda jınaldyq. Onyń aldyn alýymyz kerek», - deıdi EO-nyń klımat ózgerisi máseleleri boıynsha komıssary Vopke Hýkstra.

SOR28 klımattyq sammıti seısenbi aıaqtalady. Kelisimdi qabyldaýǵa az ýaqyt qaldy. Eger konferentsııaǵa múshe elder qazba otynnan kezeń-kezeńimen bas tartý týraly nemese munaı, kómir men gaz paıdalanýdy birtindep qysqartý týraly kelisse, bul tarıhı sát bolmaq.