BUU: Sońǵy 10 jylda temperatýra rekordtar ornatýda

ASTANA. 4 shilde. QazAqparat - 21 ǵasyrdyń birinshi onjyldyǵynda temperatýralyq rekordtar kóptep baıqaldy, dep habarlaıdy BUU-nyń Dúnıejúzilik meteorologııalyq uıymy.

Baıandamada belgili bolǵandaı, jańa ǵasyrdyń alǵashqy on jyly klımattyq baıqaý tarıhynda, ıaǵnı 1850 jyldan beri eń jyly kezeń retinde tirkeldi.

VVS-diń jazýynsha, sonymen qatar sońǵy kezderi kúnniń ótýinen ólim-jitim deńgeıi de artqan kórinedi. Ásirese, ol 2003 jáne 2010 jyldary Eýropada jaz aılarynda aıryqsha ystyq kezderde arta tústi.

Meteorologtardyń eskertýine qaraǵanda, sársenbide Kalıfornııanyń Ólim alqabynda tarıhtaǵy eń joǵary temperatýra tirkelýi múmkin.

Buǵan qosa, 21 ǵasyrdyń birinshi onjyldyǵy 1901 jyldan beri ylǵaldylyq deńgeıi boıynsha ekinshi orynda tur. Abyroı bolǵanda halyqqa habar jetkizý júıesiniń jaqsarýyna oraı, sý tasqyny saldarynan qurban bolatyndar sany tómendedi.

BUU-nyń paıymynsha, Jerdiń klımaty ózgerýin jalǵastyrýyna baılanysty eskertý júıesin turaqty túrde damytyp otyrý kerek.