BUU Sırııaǵa 5,2 mlrd. dollar jylý jınap berýdi surap otyr

ASTANA. 10 maýsym. QazAqparat - Birikken Ulttar Uıymy juma kúni donor memleketterge Sırııadaǵy janjaldan zardap shekkenderge kómektesý úshin jyl aıaǵyna deıin 5,2 mlrd. dollar mólsherinde qarjy jınap berýdi ótindi. Bul jaıynda «Frans Press» aqparat agenttigi habar taratty.

Bul qarajat BUU-nyń Irak, Sýdan, Aýǵanstan, Pákistan jáne Gaıtı aralynyń turǵyndary úshin surap kelgen burynǵy qarjysynan áldeqaıda kóp ekenin aıta ketý kerek. Bul jaıynda «Novostı» aqparat agenttigi habar taratty.

muslim.kz saıtynyń jazýynsha, BUU qorjynyna túsetin qarajat júzdegen gýmanıtarlyq uıymdarǵa teńdeı bólinedi. 3,8 mlrd-qa jýyq qarajat 3,45 mln. bosqynnyń qajetine jumsalady. 1,4 mlrd. dollar el aýmaǵynda qalyp qoıǵan 6,8 mln. sırııalyqqa kómek retinde beriledi.

2012 jyldyń jeltoqsan aıynda BUU Sırııaǵa kómek retinde 1,5 mlrd. dollar jınap berýdi suraǵan edi. Alaıda, qazirgi ýaqytta bir mıllıardtaı dollar ǵana jınalǵanyn aıta ketý kerek.

Sırııadaǵy qantógis pen zorlyq-zombylyq 2011 jyldyń naýryz aıynan beri tolastaǵan emes. Osy ýaqyt aralyǵynda BUU málimetine qaraǵanda, kem degende 80 myń adam rejım men oppozıtsııa arasyndaǵy qarýly qaqtyǵystan qaza tapqan.