BUU shtab-páterinde ekinshi dúnıejúzilik soǵystyń aıaqtalýyna 70 jyl tolýyna oraı merekelik shara ótkizildi

ASTANA. QazAqparat - Nıý-Iork qalasyndaǵy BUU shtab-páterinde ekinshi dúnıejúzilik soǵystyń aıaqtalýyna 70 jyl tolýy merekelik sharasy aıasynda BUU Bas hatshysy Pan Gı Mýn, BUU janyndaǵy tirkelgen shet memleketterdiń turaqty ókildikteri Bas Assambleıasynyń prezıdenti Sem Kýtes myrzalardyń qatysýymen birqatar estelik sharalar uıymdastyryldy.

Bul týraly QR SІM baspasóz qyzmeti habarlady.

Merekelik sharalar 4 mamyr kúni Ázerbaıjan, Armenııa, Belorýssııa, Qazaqstan, Qyrǵyzstan, Reseı Federatsııasy, Tájikstan, Túrkimenstan jáne Ózbekstan memleketteriniń BUU janyndaǵy turaqty ókildikteriniń birikken «Sońǵy Dúnıejúzilik Soǵys: Beıbitshilik úshin Umytpaý» degen taqyryptaǵy fotokórmesimen bastaldy.

Ekspozıtsııada, jaýyngerlik rýhqa baı, adam senbes tózimge toly jankeshti adamdardyń fashızmge qarsy kúresteri soǵys jyldarynda túsirilgen sýretterde beınelengen. Kórme tek soǵystyń tarıhı sátterin ǵana emes, sonymen qatar onyń qasiretti de qaıǵyly tustaryn sýrettegi tulǵalardyń kelbetteri arqyly jetkize bilgen.

5 mamyr kúni BUU shtab-páteriniń alańynda Beıbitshilik pen Birlik Aǵashtarynyń saltanatty otyrǵyzylýy ótti. Atalmysh is-sharany BUU 46 múshe memleketi bastap, Ekinshi Dúnıejúzilik soǵysta qaza bolǵandar qasiretiniń nyshany retinde shıe aǵashyn arnaıy tańdap aldy. Bul aǵashtyń aq búrshikteri kóptegen elderdiń mádenıetinde tazalyq pen qaıta órleýdiń, sonymen qatar erkindik pen ymyralystyqqa shaqyrý belgisi bolyp tabylady.

Іs-sharany BUU Bas hatshysy ashyp, óz sózinde qaza bolǵandardy eske alýǵa, qurmet kórsetýge jáne barsha adamzat balasyn soǵys qasireti men bolashaqta bolatyn qaqtyǵystarǵa qarsy birigip kúresýge shaqyrdy.

Sol kúni Ekinshi dúnıejúzilik soǵysta qaza bolǵandardyń rýhyna arnalǵan BUU Bas Assambleıasynyń arnaıy saltanatty otyrysy ótti. Osyndaı sharalar BUU BA 2004 jyly 8 jáne 9 mamyr kúnderin Eske alý jáne ymyralastyq kúnderi dep bilgilegen keıin jyl saıyn uıymdastyrylatyn boldy.

Ekinshi dúnıejúzilik soǵys aıaqtalýynyń jyldyq merekelik aptalyǵy 6 mamyr kúni Oleg Lýndstremniń jetekshiligindegi orys memlekettik djaz mýzykalyq orkestriniń soǵys jyldaryndaǵy tanymal týyndylardan quralǵan kontsertimen qorytyndylandy.