BUU: ótken aptada Jer orta teńizinde 880 bosqyn qaza tapty

ASTANA. QazAqparat - Ótken aptada Jer orta teńizinde 880 bosqyn qaza tapty, dep habarlady BUU Bosqyndar isteri agenttiginiń resmı ókili Ýılıam Spındler.

Kóbinese Eýropaǵa ótýge tyrysqan bosqyndardyń qaıyqtary aýdarylyp, sýǵa batyp ketken.

Jyl basynan Jer orta teńizinde 2,5 myńǵa jýyq adam sýǵa ketti. Ótken jyly sáıkes kezeńde - 1,8 myń adam, 2014 jyldyń alǵashqy bes aıynda 57 adam ajal qushqan, dep habarlady Bı-Bı-Sı.

Bıyl BUU baǵalaýynsha, Eýropaǵa Jer orta teńizi arqyly 200 myńdaı adam ótýge tyrysqan. Olardyń tórtten úshi Túrkııadan Grekııaǵa jetken. 47 myńdaı adam Italııaǵa ótken.

Bul rette Soltústik Afrıkadan Italııaǵa ótý barynsha kúrdeli.

Evropol mamyr aıynyń basynda bosqyndardyń Eýropaǵa ótý joly týraly baıandama jasady. Eýropalyq polıtseılerdiń pikirinshe, mıgranttardyń marshrýtyn qylmystyq top uıymdastyrady. Bul bıznes aınalymyn «Evropol» 5-6 mlrd dollarǵa baǵalady.