BUU: Ońtústik Sýdanda 4 mıllıonǵa tarta adam asqa jarymaı otyr

ASTANA. QazAqparat - Birikken Ulttar Uıymynyń baǵalaýynsha, Ońtústik Sýdanda 3,8 mıllıonǵa tarta adam asqa jarymaı otyr. Olardyń jappaı ashtyqqa ushyraýyna jeltoqsan aıynyń ortasynda bastalǵan azamattyq janjal sebep boldy, dep habarlady Bı-Bı-Sı.

BUU-nyń Ońtústik Sýdandaǵy gýmanıtarlyq máseleler boıynsha úılestirýshisi Tobı Lanzen azyq-túlik daǵdarysymen kúreske bir mıllıardtan astam qarjy qajettigin málimdedi.

Lanzenniń aıtýynsha, bazarlar búlinshilikke ushyraǵandyqtan adamdarǵa tamaq jetispeı jatyr.

Eldegi azamattyq janjal dınk taıpasynyń ókili prezıdent Salva Kıır men nýer taıpasynan buryn vıtse-prezıdent bolǵan kóterilisshiler basshysy Rıek Machar arasyndaǵy bılik úshin talas nátıjesinde paıda boldy.

Ótken aptada taraptar atysty doǵarý, kelissózderdiń kelesi kezeńin 7 aqpanda bastaý jóninde ýaǵdalasty.

Ońtústik Sýdandaǵy janjal saldarynan birneshe myńdaǵan adam qazaǵa ushyrady, 860 myńǵa jýyǵy óz úılerin tastap ketýge májbúr boldy.