BUU ókili: Qazaqstandaǵy eń iri 50 zaýyt zııandy qaldyqtardyń 80 paıyzyn shyǵaryp otyr
«Klımattyń ózgerýi deıtin másele Qazaqstanǵa ǵana tán emes ekenin aıtqym keledi. Bul másele tehnologııamen, ýrbanızatsııamen baılanysty bolǵandyqtan Glazgoda ótetin kezdesýdiń kún tártibine engizilip otyr. Ǵalamdyq jylyný jyl saıyn 1,5 gradýs deńgeıinde alǵa jyljyp kele jatqanyn talaıdan beri aıtyp júrmiz. Bul – búkil álem elderinen asa muqııat sharalar qabyldaýdy talap etetin másele», - deıdi BUU ókili.
Onyń sózine qaraǵanda, Qazaqstandaǵy ekologııalyq máseleler álemniń kóptegen eline tán.
«Jetpeı jatqan olqylyqtar týraly aıtsaq, bul iste Qazaqstan ǵana emes, BUU-ǵa múshe kóptegen elder baıaý áreket etip otyr. Ásirese memleket saıasatyn ekologııalyq saıasatqa beıimdep, ekologııa, aýyl sharýashylyǵy, bıolýandyqty qorǵaý baǵytyndaǵy jumystarǵa memlekettik organdardyń bárin jumyldyrý kerek», - degen ıAkýp Berısh qorshaǵan oratnyń tazalyǵyna memlekettik organdar men jeke sektor qatar jaýapty ekenin eske saldy.
«Energetıka mınıstrligi men Aýyl sharýashylyǵy mınıstrligi shyǵaratyn sheshimdermen shektelmeýimiz kerek. Bul bastamalardyń bári jeke sektorǵa da áser etýi kerek. Men óz sózimde aıtqanymdaı, Qazaqstandaǵy 50 iri kásiporyn qorshaǵan ortany lastaıtyn qaldyqtyń 80 paıyzyn shyǵaryp otyr. Bul máselede bizge taraptardyń bárin úılestirý qajet. Osynyń bárin qoldaıtyn mehanızm kerek. BUU da, BUU-nyń Damý baǵdarlamasy da bul iske úılestirýshi retinde qatysýǵa daıyn. Árıne, biraq jergilikti bıliktiń qoldaýy eń negizgi mańyzǵa ıe», - dedi BUU ókili.