BUU-nyń joǵary komıssary Qazaqstandaǵy reformalarǵa pikir bildirdi

ASTANA. QazAqparat – QR Adam quqyqtary jónindegi ýákil Artýr Lastaev jáne BUU Adam quqyǵy jónindegi joǵary komıssary Folker Tıýrk ekijaqty yntymaqtastyq máselesin talqylady, dep habarlaıdy QazAqparat tilshisi.

«Búgin BUU Adam quqyǵy jónindegi joǵary komıssarynyń jumys sapary aıasynda elordadaǵy KAZGUU ýnıversıtetinde ekijaqty kezdesý ótti. Osy jıyn barysynda Adam quqyqtary jónindegi ulttyq ortalyǵymen birlese ózara is-qımyl men yntymaqtystyq taqyryby talqylandy», - dedi A. Lastaev atalǵan kezdesýden keıin tilshilerdiń suraǵyna jaýap bere otyryp.

Sonymen qatar ol BUU ókilimen kezdesý barysynda basqa da ózekti taqyryptar qaralǵanyn aıtty.

«Azaptaýǵa, otbasyndaǵy zorlyq-zombylyqqa jol bermeý, quqyq qorǵaýshylar men jýrnalısterge qoldaý jasaý jáne basqa da máseleler talqylandy», - dedi A. Lastaev.

Onyń aıtýynsha, Adam quqyǵy jónindegi joǵary komıssar QR Prezıdenti jarııalaǵan ádiletti Qazaqstandy qurý baǵytyndaǵy konstıtýtsııalyq reformalarǵa qatysty oń pikirin bildirdi.

Budan buryn habarlanǵandaı, Adam quqyqtary jónindegi ýákil Qazaqstanda «shetel agentteri» týraly zańdy engizý qarastyrylmaǵynan aıtty.