BUU-nyń jańa Bas hatshysy QazUÝ rektoryna alǵys hat joldady

ALMATY. QazAqparat - 2017 jyldyń 1-shi qańtarynan bastap Birikken Ulttar Uıymy Bas hatshysy qyzmetine kiriskeli otyrǵan Antonıý Gýterresh ál-Farabı atyndaǵy QazUÝ rektory Ǵalymqaıyr Mutanulyna hat joldap, ýnıversıtettiń BUU-men jemisti yntymaqtastyq ornatýyna qosqan úlesi úshin alǵys bildirdi, dep habarlaıdy QazAqparat tilshisi JOO baspasóz qyzmetine silteme jasaı otyryp.

«BUU Bas hatshysy ál-Farabı atyndaǵy QazUÝ-ǵa qazirgi jahandyq máselelerdi sheshýdegi senimdi seriktesi retinde shynaıy rızashylyǵyn bildirdi», -delingen habarlamada. 

Hatynda Bas hatshy BUU ustanymdary men bastamalaryn alǵa jyljytýdaǵy jáne halyqaralyq uıymnyń órkenıettiń ózekti máselelerin sheshýdegi medıator jáne  jasampaz «kópir» rólindegi qyzmetiniń ashyqtyǵy men shynaıylyǵyn qamtamasyz etetin BUU aıasyndaǵy «Akademııalyq yqpal» jahandyq haby retindegi QazUÝ-dyń mańyzdy rólin atap ótken.

Resmı hatta: «BUU negizin salýshylardyń arman-maqsattarynyń oryndalýy úshin bizdi ortaq kóptegen jumystar kútýde. Men úshin jumys kestesi múmkindik bergen sátte ál-Farabı atyndaǵy Qazaq ulttyq ýnıversıtetine barý  úlken mártebe»,  delingen.

Aıta ketý kerek, ál-Farabı atyndaǵy QazUÝ Ortalyq Azııadaǵy turaqty damý boıynsha BUU-nyń «Akademııalyq yqpal» jahandyq habyn jáne ıÝNESKO-nyń aımaqtyq habyn basqara otyryp, Birikken ulttar uıymynyń ózine júktegen mindetin nátıjeli oryndaýda.

Osylaısha, QazUÝ QR Prezıdenti Nursultan Nazarbaevtyń «Jasyl kópir» jáne «G-Global» bastamalarynyń energoekologııalyq strategııasyna qoldaý retinde TMD ýnıversıtetteri ishinde jalǵyz «RIO+20» Álemdik sammıtinde sektsııa ashý joǵary mártebesine ıe bolǵan.

Kolýmbııa ýnıversıtetimen birge QazUÝ-da turaqty damý boıynsha mamandar daıarlaıtyn «MDP Global Classroom» baǵdarlamasy sátti júzege asyp otyr.