BUU-nyń turaqty úılestirýshisi Qazaqstandaǵy mıssııasyn aıaqtady

NUR-SULTAN. QazAqparat - Syrtqy ister mınıstri Muhtar Tileýberdi BUU-nyń Qazaqstandaǵy turaqty úılestirýshisi Norımasa Shımomýrany qabyldady, dep habarlaıdy QazAqparat QR Syrtqy ister mınıstrliginiń resmı saıtyna silteme jasap.

«Syrtqy ister mınıstri Muhtar Tileýberdi BUU-nyń ókiline elimizdegi mıssııasynyń aıaqtalýyna baılanysty Prezıdent Qasym-Jomart Toqaevtyń alǵys hatyn tabystady. Syrtqy saıası vedomstvo basshysy Norımasa Shımomýraǵa BUU-men qarym-qatynasty damytýǵa qosqan úlesi, sondaı-aq Dúnıejúzilik uıym alańynda qazaqstandyq bastamalardy júzege asyrýda belsendi qoldaý kórsetkeni úshin alǵys aıtty», - dep jazyldy QR Syrtqy ister mınıstrliginiń resmı saıtynda.

Avtor: Álıhan Asqaruly