BUU-nyń Sırııadaǵy arnaıy elshisi Astana protsesine shaqyryldy

ASTANA. QazAqparat - BUU-nyń Sırııadaǵy arnaıy elshisi Staffan de Mıstýra Sırııa boıynsha ótetin Astana protsesine shaqyryldy, dep habarlaıdy Reıter agenttigi.

«BUU-nyń Sırııadaǵy arnaıy elshisi Staffan de Mıstýra Astanadaǵy kelissózderge shaqyryldy», - dep aıtylady agenttiktiń habarlamasynda.

RIA Novostı atap ótkendeı, budan buryn Reseı Prezıdenti Vladımır Pýtın túrik kóshbasshysy Taıyp Erdoǵanmen Sırııadaǵy soǵysyp jatqan taraptarǵa Astanadaǵy jańa alańda beıbit kelissóz úderisin jalǵastyrýdy usyný týraly ýaǵdalasqanyn habarlaǵan. Onyń aıtýynsha, jańa alań jenevalyq kelissózderdi tolyqtyrady. Qazaqstan Prezıdenti Nursultan Nazarbaev Pýtınmen jáne Erdoǵanmen telefon arqyly sóılesýi barysynda bul bastamany qoldap, Astananyń mundaı kelissóz ótkizý alańyn usynýǵa ázir ekendigin habarlaǵan.