BUU-nyń Aýǵanstanǵa kómek kórsetý mıssııasy Almatyda qansha ýaqyt jumys isteıdi

NUR-SULTAN. QAZAQPARAT – QR Syrtqy ister mınıstriniń orynbasary Aqan Rahmetýllın Birikken Ulttar Uıymynyń Aýǵanstanǵa járdemdesý jónindegi mıssııasy Almatyda qanshaý ýaqyt jumys isteıtini týraly aıtty, dep habarlaıdy QazAqparat tilshisi.

«Biz BUU-nyń Aýǵanstanǵa kómek kórsetý jónindegi mıssııasynyń rólin joǵary baǵalaımyz. Memleket basshysynyń tapsyrmasy boıynsha Syrtqy ister mınıstrligi quzyretti organdarmen jáne qyzmettermen birlesip, olardyń ishinde Almaty ákimdigi, ІІM, IIDM AAK, UQK, DSM – Qazaqstandaǵy BUU–nyń negizgi komandasymen tyǵyz úılestire otyryp, reısti qabyldaý jáne BUU ókilderin Almatyǵa ýaqytsha ornalastyrý máselesin jedel pysyqtady», - dedi Aqan Rahmetýllın ortalyq kommýnıkatsııalar qyzmetinde ótken brıfıngide.

Onyń aıtýynsha, kelgenderdiń bári uıymnnyń halyqaralyq qyzmetkerleri.

«Olardyń qatarynda BUU Bas hatshysynyń arnaıy ókili jáne Aýǵanstanǵa kómek kórsetý boıynsha BUU mıssııasynyń basshysy Debora Lıons hanym bar. Kelgen qyzmetkerlerdiń bir bóligi jaqyn arada BUU-nyń basqa elderdegi bólimshelerine barady. Biraq olardyń basym kópshiligi, shamamen 100 adam Qazaqstanda qalady jáne Almatyda UNAMA-nyń ýaqytsha qashyqtaǵy keńsesin qurady. UNAMA-nyń qashyqtan isteıtin keńsesin ornalastyrý ázirshe jarty jylǵa josparlanyp otyr jáne Aýǵanstandaǵy jaǵdaıdyń odan ári damýyna baılanysty uzartylýy múmkin», - dep atap ótti spıker.

Ol qyzmetkerlerdiń turýy, keńseni jalǵa alý jáne basqa da shyǵyndar BUU bıýdjetinen tolyq qarjylandyrylatynyn atap ótti.