BUU-nyń adam quqyqtary jónindegi joǵarǵy komıssary Qazaqstanǵa keledi
19:58, 11 Naýryz 2023
ASTANA.QazAqparat – BUU-nyń Adam quqyqtary jónindegi Joǵarǵy komıssary Folker Tıýrk 13 naýryzdan bastap Ortalyq Azııanyń eki eliniń shaqyrýymen Qazaqstan men Ózbekstanǵa bes kúndik saparmen keledi, dep habarlaıdy QazAqparat.
Joǵarǵy komıssar Qazaqstanǵa 16-17 naýryz aralyǵynda keledi. Ol 17 naýryzda Astanada baspasóz máslıhatyn ótkizedi. Oǵan tek BAQ ókilderi qatysady.
Folker Tıýrk sonymen qatar Qaraqalpaqstan astanasy – Núkis qalasynda bolyp, adam quqyqtarynyń jalpyǵa birdeı deklaratsııasynyń 75 jyldyǵyna arnalǵan is-sharada sóz sóıleıdi.