BUU Norvegııany adamı damýy eń joǵary el dep atady
12:01, 16 Qyrkúıek 2018
ASTANA. QazAqparat - Norvegııa, Shveıtsarııa men Aýstralııa BUU tujyrymy boıynsha adamı damý deńgeıi eń joǵary elderdiń alǵashqy úshtigine endi, dep habarlaıdy QazAqparat.
Buǵan halyqaralyq uıymnyń juma kúni jarııa etken «Adamı damý ındeksteri men ındıkatorlary» baıandamasynda keltirilgen derekter dálel bola alady.
Baıandamada 189 eldiń reıtıngi usynylǵan. Olar tómendegideı parametr boıynsha baǵalanǵan: ómir súrý uzaqtyǵy, ortasha bilim berý uzaqtyǵy, adam basyna shaqqandaǵy jalpy ulttyq ónim.
Sondaı-aq, alǵashqy ondyqqa Irlandııa, Germanııa, Islandııa, Gonkong, Shvetsııa, Sıngapýr men Nıderlandy kirgen. Reıtıngti Nıger, Ortalyq Afrıka Respýblıkasy, Ońtústik Sýdan, Chad jáne Býrýndı tuıyqtap tur.