«BUU modeli – Jańa Jibek joly» halyqaralyq konferentsııasy ótti
BUU-nyń qurylýynyń jáne Ekinshi dúnıejúzilik soǵystyń aıaqtalýynyń 75 jyldyǵyna arnalǵan is-sharany BUU Aqparattyq bıýrosy men Almatydaǵy QR SІM ókildiginiń qoldaýymen ál-Farabı atyndaǵy QazUÝ uıymdastyrdy.
«BUU modeli - Jańa Jibek joly» – bul túrli elderdiń dıplomattary retinde BUU jumysyn beıneleıtin etetin stýdentter men joǵary synyp oqýshylary úshin aýqymdy halyqaralyq joba. BUU-nyń turaqty damý jónindegi «Akademııalyq yqpal» baǵdarlamasyn tórtinshi kezeń qatarynan basqaryp kele jatqan ál-Farabı atyndaǵy QazUÝ atalmysh sharany alǵash ret onlaın formatta ótkizýde.
Joba qazirgi zamannyń jahandyq máselelerine jastardyń nazaryn aýdarýǵa, álem týraly birtutas kózqaras qalyptastyrýǵa, zertteý daǵdylaryn damytýǵa, mádenıetaralyq kommýnıkatsııa men dıalog qurý arqyly shıelenisterdi eńserý qabiletterin damytýǵa baǵyttalǵan.
Búkilálemdik ǵalamdyq konferentsııaǵa Azııa, Afrıka, Amerıka jáne Eýropadan 200-den astam stýdentter men mektep oqýshylary, sondaı-aq halyqaralyq sarapshylar, BUU jáne dıplomatııalyq orta ókilderi qatysty. Eki kún boıy jas spıkerler bitimgershilik pen adamzattyń turaqty damýynyń 17 maqsatyn júzege asyrý, sondaı-aq Covid-19 taralýyn boldyrmaý, jahandyq ekonomıkany qalpyna keltirý, sapaly onlaın bilim alýǵa qol jetimdilikti qamtamasyz etý, pandemııa kezinde áleýmettik qoldaý jáne taǵy basqa ózekti máselelerdi talqylady.
«Bıyl akademııalyq qoǵamdastyqtyń zııatkerlik áleýetin zamanaýı álemniń máselelerin sheshýge jumyldyrýǵa arnalǵan BUU-nyń «Akademııalyq yqpal» baǵdarlamasynyń bastaý alǵanyna 10 jyl tolýda. BUU kún tártibi men turaqty damý maqsattaryn júzege asyrýda jastarǵa mańyzdy ról berilýde, bul jahandyq pandemııa kezinde erekshe ózekti», - dep atap ótti konferentsııany asha otyryp ál-Farabı atyndaǵy QazUÝ-dyń Birinshi prorektory professor M. Búrkitbaev.
Qazaqstan Respýblıkasy Parlamenti Májilisiniń depýtaty Serik Seıdýmanov BUU modeliniń zamanaýı jas kóshbasshylary adamzat órkenıetin saqtaýdyń joǵary ıdeıasymen birigip óz elderiniń, jalpy búkil álemniń turaqty damýyna yqpal etetindigin atap ótti. Sonymen qatar ol konferentsııa qatysýshylaryn aıtýly kúnmen – BUU-nyń 75 jyldyǵymen quttyqtap, olarǵa jemisti jumys tiledi.
Sonymen qatar, BUU modeliniń qatysýshylaryn onlaın rejimde qoshamettep sóz sóılegenderdiń qatarynda: Birikken Ulttar Uıymynyń ǵalamdyq kommýnıkatsııalar departamentiniń ókili Vlastımıl Samek, ıÝNESKO-nyń klasterlik keńsesiniń dırektory Krısta Pıkkat, Dúnıejúzilik densaýlyq saqtaý uıymynyń Qazaqstandaǵy ókili Kerolaın Klarınval, QR SІM Almatydaǵy ókildiginiń basshysy Erlan Ysqaqov, sondaı-aq Almatydaǵy QHR Bas konsýly – Gen Lıpın, AQSh-tyń – Erık Meıer, Reseı Federatsııasynyń – Evgenıı Bobrov boldy.