BUU men Qazaqstan 2026-2030 jyldarǵa arnalǵan negizdemelik baǵdarlamany talqylady
Munda BUU-nyń Qazaqstandaǵy barlyq qyzmeti úshin ortalyq jetekshi qujat, turaqty damý maqsattaryna qol jetkizýge kómektesý úshin resýrstardyń qalaı bólinetinin anyqtaıtyn jol kartasy mańyzdy.
«Qazaqstan Turaqty damý ındeksi boıynsha 166 eldiń ishinde 66-shy orynda. Údemeli damý bar, biraq áli de atqaratyn jumys kóp. Al búgingi talqylaý BUU-nyń kelesi merzim úshin elge qoldaýyn qalyptastyrýǵa kómektesedi. Bul bastamalarymyz biz qyzmet etetin adamdardyń umtylystaryna laıyq bolýy úshin strategııamyzdy ulttyq basymdyqtarmen sáıkestendirýdiń biregeı múmkindigi», - dedi BUU-nyń Qazaqstandaǵy Turaqty úılestirýshisi mindetin atqarýshy Katarjına Vavernıa.
QR Syrtqy ister mınıstrligi Kópjaqty yntymaqtastyq departamenti dırektorynyń orynbasary Ánýar Sarmantaı 2030 jylǵa deıingi Turaqty damý maqsattaryna nebári 6 jyl qalǵanyn, turaqtylyq maqsattarynyń tek 17%-y ǵana oryndalǵanyn atap ótti.
«Turaqty jáne gúldengen álemniń negizi – turaqty damý maqsattaryna aıtarlyqtaı belsendi árekettersiz qol jetkizý múmkin emes. Covid-19 pandemııasynyń saldary, qaqtyǵystardyń kúsheıýi, geosaıası shıelenister jáne artyp kele jatqan klımattyq problemalar progreske aıtarlyqtaı kedergi keltirdi. Turaqtylyq maqsattarynyń tek 17%-y ǵana oryndaldy, olardyń jartysyna jýyǵy mınımaldy nemese ortasha progresti kórsetedi, al úshten birinen astamy toqtap qaldy nemese baıaýlady. Demek, qol jetkizilgenin maqsattarǵa qaramastan, áli de kóp nárse isteý kerek», - dedi Á. Sarmantaı.
Qazaqstandaǵy BUU kommýnıkatsııalar boıynsha keńesshisi Elnara Baınazarovanyń aıtýynsha, Sońǵy 30 jylda BUU Qazaqstanda teńsizdikti azaıtý, ınstıtýttardy jańǵyrtý, ekonomıkany ártaraptandyrý jáne halyqtyń eń osal toptary – balalar, áıelder, qarttar, mıgranttar men bosqyndardy qoldaý sııaqty kóptegen salalarda ulttyq, aımaqtyq jáne jergilikti deńgeıde 400-den astam jobany júzege asyrdy.
«Sońǵy 2023 jyly Qazaqstandaǵy BUU baǵdarlamalary 30 mln dollardan astam qarajatqa jobalardy júzege asyrdy. Munda BUU-men birge Qazaqstan Úkimeti jáne halyqaralyq donorlar qoldaý kórsetti. Qazir BUU Qazaqstan Respýblıkasyna gýmanıtarlyq emes, konsýltatsııalyq saıası qoldaý, konsaltıng túrinde kómek kórsetedi. ıAǵnı BUU jobalardy júzege asyratyn eksperttik tarap retinde sanalady», - dedi E. Baınazarova.
Semınarǵa memlekettik organdar, úkimettik emes uıymdar, akademııalyq jáne saraptamalyq ortalyqtar, jeke sektordyń ókilderin qosa alǵanda, túrli salalardan 70-ten astam ókil qatysty.
Talqylaýlar qazirgi múmkindikter men kedergiler, talap etiletin is-áreketter men turaqty damýǵa qol jetkizýdegi olqylyqtardy qosa alǵanda, negizgi basym baǵyttardy anyqtaýǵa arnaldy. Turaqty damýǵa qol jetkizýdegi ilgerileýdi jedeldetýge jáne Qazaqstannyń ulttyq maqsattaryna qol jetkizýde BUU barynsha qoldaý kórsete alatyn salalardy anyqtaýǵa erekshe nazar aýdaryldy. Sondaı-aq atalǵan maqsattarǵa qol jetkizý úshin qajetti qarjylyq jáne qarjylyq emes mindettemeler talqylandy.