BUU: Lıvanǵa ketken sırııalyq bosqyndar mıllıonnan asty
14:20, 03 Sáýir 2014
ASTANA. QazAqparat - BUU málimetinshe, Sırııadan Lıvanǵa qonys aýdarǵan bosqyndar sany bir mıllıonnan asyp tústi. Uıymnyń bosqyndar isi boıynsha Joǵarǵy komıssary basqarmasynda bul kórsetkish óte joǵary ekenin aıtýda.
BUU derekterine qaraǵanda, Sırııada 2011 jyly qarýly qaqtyǵys bastalǵannan beri osy eldi tastap ketýshiler jyl saıyn artyp keledi. BUU-nyń Bosqyndar isi jónindegi Joǵarǵy komıssary Antonıý Gýterreshtiń sózine qaraǵanda, bosqyndardyń aǵylyp kelýi Lıvanǵa aýyr tıip tur. Eldiń ekonomıkasy, saýda sektory jáne týrızmi zardap shegýde. Sonymen qatar qoǵamdyq qyzmet salasy qyzmetkerleriniń jumysy da qıyndaı túsken.