BUU komıtetteriniń sarapshylary az ulttar quqyn qorǵaýǵa qatysty qazaqstandyq tájirıbeni joǵary baǵalap otyr -T. Ábishev
«Qazaqstan Konstıtýtsııasy, BAQ týraly zań normalary halyqaralyq talaptarǵa saı. Bul baǵytta júrgizilgen halyqaralyq saraptama osyny kórsetedi. Degenmen, elderdiń qarqyndy damýyna, sondaı-aq azamattardyń quqyqtaryn tolyq qamtamasyz etý maqsatynda Ulttyq is-qımyl josparymen «Buqaralyq aqparatqa qoljetimdilik týraly» zań jobasyn ázirleý kózdelgen. Óıtkeni, aqparatqa qoljetimdilik bizdiń zańymyzda ártúrli aktiler arqyly qamtamasyz etiledi», - dedi T. Ábishev.
Onyń aıtýynsha, Qazaqstanda 85 paıyz BAQ jekemenshik tulǵalarǵa tıesili bolsa, onyń basym bóligi qazaq jáne orys tilinde shyǵady. «Al 35 gazet Qazaqstanda turatyn 11 az ulttardyń tilinde shyǵady. Radıoda 8 habar, telearnada 7 baǵdarlama az ulttar tilinde taralady. Bundaı tájirıbe esh jerde joq. BUU komıtetiniń halyqarlyq sarapshylarynyń ózi dál osy az ulttar quqyn qorǵaýǵa, olardyń aqparatpen qamtylýyna qatysty qazaqstandyq tájirıbeni jońǵary baǵalap otyr», dedi T. Ábishev.