BUU: Klımattyń ózgerýi taıfýndardyń qaýiptiligin arttyrýda

ASTANA. 14 qarasha. QazAqparat - BUU ǵalymdarynyń málimdeýinshe, klımattyń ózgerýi «Haııan» taıfýny sekildi tropıkalyq daýyldar qýatynyń artýyna yqpal etedi.

Dúnıejúzilik meteorologııalyq uıymnyń málimetine qaraǵanda, teńiz deńgeıiniń kóterilýi saldarynan jaǵalaýdaǵy óńirler turǵyndarynyń teńiz daýyldarynan qorǵanysy osal bolýda. Dúnıejúzilik bank prezıdentiniń aıtýynsha, «Haııan» sekildi besinshi kategorııaly taıfýndar birneshe onjyldyqtarda bir ret paıda bolady, alaıda bundaı taıfýn bir aıdyń ishinde óńirdi ekinshi márte basyp otyr. «Haııan» taıfýny sońǵy kezderi baıqalǵan eń qýatty tropıkalyq daýyldardyń biri retinde sanalýda. Ótken jumada ol Fılıppındegi Leıte jáne Samar provıntsııalarynyń jaǵalaýdaǵy aýdandaryna eleýli zardap keltirdi. BUU málimetinshe, taıfýnnyń zardabyn 11 mıllıonnan astam adam sezinip otyr, 673 myńy baspanasynan aıyryldy.