BUU QK: Gaza sektoryna kómek kórsetýge daýys berý bir kúnge shegerildi

<p>BUU Qaýipsizdik Keńesinde Gaza sektoryna jetkiziletin kómek kólemin arttyrý týraly rezolıýtsııaǵa daýys berý taǵy bir kúnge shegerildi. Kazinform bul týraly <a href="https://dzinbxls0c0i6.cloudfront.net/a/un-security-counci/7405261.html" target="_blank" rel="noopener">Amerıka daýysy</a> basylymyna silteme jasap habarlaıdy.&nbsp;</p>

Dıplomattar AQSh-tyń kezekti vetosyn boldyrmaý úshin kelissózdi jalǵastyryp jatyr. Bul - Izraıl men HAMAS arasyndaǵy eki aılyq soǵysqa baılanysty sheshim qabyldaýda AQSh-tyń úshinshi vetosyn boldyrmaý maqsatynda jasalyp jatqan amal.

Áýelde Qaýipsizdik Keńesi Birikken Arab Ámirlikteri usynǵan rezolıýtsııaǵa daýys beredi degen boljam bolǵan. Degenmen daýys berý birneshe ret shegerildi. Dıplomattardyń sózinshe, BAÁ men AQSh soǵys qımyldaryn toqtatýǵa jáne BUU aıasynda baqylaý júıesin ornatý týraly sheshim shyǵarýǵa tyrysyp jatyr.

Rezolıýtsııa jobasy Izraıl men HAMAS-tan qurlyq, teńiz jáne áýe arqyly Gaza sektoryna kómek jetkizýdi jeńildetýdi talap etip, BUU-dan palestınalyq anklavqa jetkizilgen gýmanıtarlyq kómekke monıtorıng jasaýdy suraıdy.