BUU Qazaqstannyń «jasyl» ekonomıkaǵa kóshý úderisin qoldaıdy
Parlament joǵarǵy palatasynyń basshysy Qazaqstannyń BUU-men yntymaqtastyǵynyń joǵary deńgeıin atap ótip, BUU Qorshaǵan orta jónindegi baǵdarlamasynyń Astanadaǵy EKSPO-2017 kórmesine belsendi qatysqany úshin rızashylyq bildirdi. «Qazaqstan BUU-nyń maqsattary men mindetterinen esh aınymaıdy, qazirgi zamandaǵy mańyzdy máselelerdi sheshýdegi Uıymnyń basty rólin nyǵaıtýdy jaqtaıdy. Qazaqstan turaqty emes múshe bolyp saılanǵan BUU-nyń Qaýipsizdik Keńesi beıbitshilik pen qaýipsizdikti saqtaýdyń eń negizgi tetigi bolyp tabylady», - dep atap ótti Senat Tóraǵasy.
Júzdesýshiler BUU aıasynda ekologııalyq qaýipsizdikti qamtamasyz etýdegi ortaq kúsh-jigerdi úılestirý joldaryna qatysty pikir almasty. Klımat ózgeristerimen tıimdi kúres úshin Parıj kelisiminiń negizgi erejelerin oryndaýdyń mańyzdylyǵy atap ótildi. Senat Tóraǵasy bul qujatty ýaqytynda ratıfıkatsııalaǵan Qazaqstannyń onyń erejelerin iske asyrýǵa qatysýǵa ázir ekenin aıtty.
Kezdesý barysynda Astana halyqaralyq qarjy ortalyǵynyń, «Jasyl» tehnologııalardy damytý jónindegi halyqaralyq ortalyqtyń jáne «Bolashaqtyń energııasy» ınvestıtsııalyq jobalar aıasynda BUU-men yntymaqtastyqtyń keleshegi talqylandy. E.Solheım Qazaqstannyń «jasyl» ekonomıkaǵa kóshý úderisin qyzý qoldaýǵa nıet bildirdi jáne qorshaǵan ortany qorǵaý máseleleri boıynsha aımaqtyq yntymaqtastyqty nyǵaıtý jaıynda aıtty. Q.Toqaev ıÝNEP Hatshylyǵynyń Almatyda Sýbaımaqtyq bıýrosyn ashý týraly sheshimi úshin alǵys aıtty. Ol bul qalany kóptarapty dıplomatııa úshin aımaqtyq torapqa aınaldyrýǵa yqpal etedi.