BUU qazaqstandyq bitimgerlerge qansha aılyq tóleıtini belgili boldy

<p>ASTANA. KAZINFORM &ndash; Májilis depýtaty Aıgúl Quspan Golan jotasyna baratyn qazaqstandyq bitimgerlerge BUU aılyq tóleıtinin málim etti.</p>

«BUU-nyń talaby – ár kontıngent óziniń qarý-jaraǵymen, tehnıkasymen barý kerek. Sondyqtan biz qandaı tehnıka jiberiletinin aıqyndadyq. Qorǵanys mınıstri ol qandaı tehnıka ekenin aıtty. Endi sol tehnıkany jetkizý kerek. Bul da bizdiń mıssııamyz. Buǵan shashamen 8 mln dollardaı ketedi. Óıtkeni 15 dana berendi «Arlan», KAMAZ sııaqty úlken kólikter týraly sóz bolyp otyr», - dedi Aıgúl Quspan.

Depýtattyń aıtýynsha, ondaı tehnıkany alyp ushatyn ushaq Qazaqstannyń ózinde joq.

«Qorǵanys mınıstrligi sondaı júk tasymaldaıtyn áýe kompanııalaryna júginetin shyǵar. Golan jotasyna «Il-27» sııaqty ushaqtarmen alyp ushatyn shyǵar. Onyń ózinde biz eń únemdi joldy tańdap otyrmyz. Al Qazaqstanǵa keri qaıtý BUU esebinen bolady. Onyń ústine BUU bizdiń áskerı qyzmetshilerge aılyq tóleıdi. BUU jyl saıyn bizdiń bıýdjetke belgili bir soma aýdaryp otyrady. Shamamen 1 mln dollardaı. Jalpy bizdiń mıssııanyń mandaty bir jylǵa dep belgilengen. Biraq uzartylýy múmkin», - dedi Májilis depýtaty

Aıta keteıik, Parlament qazaqstandyq áskerılerdiń BUU mıssııalaryna qatysý týraly Joldaýyn maquldady.