BUU Qaýipsizdik keńesiniń turaqty emes múshesi bolý úshin Qazaqstanǵa 129 eldiń daýysy kerek - E.Ydyrysov

ASTANA. QazAqparat - BUU Qaýipsizdik keńesiniń turaqty emes múshesi ataný úshin Qazaqstan 129 eldiń oń daýysyn jınaý kerek. Búgin halyq aldynda esep bergen QR Syrtqy ister mınıstri Erlan Ydysyrov «úmitimiz azdaý» ekenin aıtty.

«BUU Qaýipsizdik keńesiniń turaqty emes músheligine ótý úshin Qazaqstan Taılandpen báseke, kimniń úmiti basym? Jalpy, BUU Qaýipsizdik keńesiniń turaqsyz músheligi ne beredi?» degen suraqtarǵa jaýap bergen E.Ydyrysov asyǵys pikir aıtpaıtynyn jetkizdi.

«BUU Qaýipsizdik keńesiniń turaqty emes músheligine toqtalatyn bolsaq, men asyǵys pikir aıtpaı-aq qoıaıyn. Bizdiń úmitimiz azdaý. Erteń ne bolatynyn boljamaı-aq qoıaıyn, sebebi, men kishkene yrymǵa senetin adammyn. Sondyqtan, saılaýdy kútemiz. Biz óz tarapymyzdan belsendi jumys júrgizip otyrmyz. Memleket basshysy arnaıy elshilerdi taǵaıyndaǵan. BUU Qaýipsizdik keńesine múshe 193 eldiń bárine barýǵa tyrystyq. Qazaqstan BUU Qaýipsizdik keńesiniń turaqty emes múshesi bolý úshin 129 daýys jınaý kerek»,-dedi E.Ydyrysov.

E.Ydyrysvotyń aıtýynsha, Qazaqstannyń arnaıy elshileri bastaǵan delegatsııalar BUU qaýipsizdik keńesine múshe memleketterge baryp, elimizdiń saıasaty jáne qaýipsizdik jónindegi Qazaqstannyń basym baǵyttary týraly aıtqan.

«Búgin bizdiń delegatsııa Nıý-Iorkke attandy. Delegatsııa Qazaqstan týraly aqparat beretin aptany aıaqtaıdy. Sondyqtan, BUU Qaýipsizdik keńesiniń múshesi ataný úshin Qazaqstannyń tolyq quqy bar ekenin dáleldeý kerek. Eń bastysy, Qazaqstan keńes jumysyna paıda ákele alatynyn dáleldeý»,-dedi E.Ydyrysov.

Al, «qaýipsizdik keńesine múshelik ne beredi?» degen suraqqa mınıstr eń aldymen saıası bedel ákeletinin aıtty.
BUU Qaýipsizdik keńesiniń bes turaqty, on turaqty emes múshesi bar.